វិធីងាយៗដើម្បីសម្រកក្បាលពោះ

គ្រាន់តែធ្វើអោយក្បាលពោះរាបស្មើនោះ វាមិនមែនជាកាលំបាកទៀតឡើយ ដោយគ្រាន់តែអ្នកញាំអាហារដែលផ្តល់សុខភាពល្អ ដែលជួយធ្វើអោយរាងរបស់អ្នកស្រឡូនស្អាត និងធ្វើការហាត់ប្រាណអោយបានទៀតទាត់ទៅបានហើយ។ ថ្ងៃនេះយើងសូមណែនាំអ្នក នូវរបៀបហាត់ប្រាណមួយចំនួន ដែលនឹងធ្វើអោយអ្នកទទួលបានរូបរាង ដែលអ្នកស្រម័យចង់បាន។ វិធីនេះ គឺមានប្រសិទ្ធិភាពខ្លាំងណាស់ ប៉ុន្តែអ្នកត្រូវអនុវត្តវាអោយបានទៀតទាត់រយៈពេល ៤ សប្តាហ៍ ដើម្បីទទួលបានលទ្ធផលល្អ។

លំហាត់ទី១ ៖ ក្រាប

អ្វីដែលអ្នកត្រូវធ្វើនោះគឺ ផ្កាប់មុខលើកម្រាល ដោយយកកែងដៃច្រត់ទៅលើកម្រាល លើកដងខ្លួនអោយផុតពីកម្រាល និងរក្សាដងខ្លួនអោយត្រង់ ចាប់ពីស្មា ដល់កែងជើង។ រក្សាលំនឹងអោយបាន ២០វិនាទី។ (មើលរូប)

លំហាត់ទី២ ៖ ក្រាប ផ្អៀង

ធ្វើដូចគ្នានឹងលំហាត់ទី១ ប៉ុន្តែនៅក្នុងលំហាត់ទី២នេះ អ្នកត្រូវលើកដៃម្ខាងឡើងលើ ដោយផ្អៀងខ្លួនរហូតដល់ដងខ្លួនរបស់អ្នកស្របទៅនឹង
កែងដៃដែលច្រត់លើកម្រាល។ រក្សាលំនឹងអោយបាន ២០វិនាទី។ (មើលរូប)

លំហាត់ទី៣ ៖ អាវ៉ង់ផ្ងារ

អង្គុយលើកម្រាល ដោយបញ្ឈរជង្គង់ និងទ្រេតខ្លួនមកក្រោយច្រត់ដៃលើកម្រាលដោយបន្ទន់កែងដៃ។ លើកដងខ្លួនឡើងលើ រហូតដល់កែងដៃត្រង់ ហើយទម្លាក់មកវិញដូចទម្រង់ដើម។ (មើលរូប)

លំហាត់ទី៤ ៖ ងើបអង្គុយ

គេងលើកម្រាល អោយត្រង់ ហើយព្យាយាមងើបអង្គុយដោយមិនប្រើដៃជួយច្រត់កម្រាលនោះទេ។​(មើលរូប)

រយៈពេលធ្វើ

សប្តាហ៍ទី១ ៖                                 

លំហាត់ទី១ ៖ ក្រាប                                ២០វិនាទី

លំហាត់ទី២ ៖ ក្រាប ផ្អៀង (ទៅឆ្វេង)         ២០វិនាទី

លំហាត់ទី៣ ៖ អាវ៉ង់ផ្ងារ                           ៣ដង

លំហាត់ទី២ ៖ ក្រាប ផ្អៀង (ទៅស្តាំ)                    ២០វិនាទី

លំហាត់ទី៤ ៖ ងើបអង្គុយ                         ៣ដង

សប្តាហ៍ទី២ ៖                                 

លំហាត់ទី១ ៖ ក្រាប                                ៣០វិនាទី

លំហាត់ទី២ ៖ ក្រាប ផ្អៀង (ទៅឆ្វេង)         ៣០វិនាទី

លំហាត់ទី៣ ៖ អាវ៉ង់ផ្ងារ                           ៥ដង

លំហាត់ទី២ ៖ ក្រាប ផ្អៀង (ទៅស្តាំ)                    ៣០វិនាទី

លំហាត់ទី៤ ៖ ងើបអង្គុយ                         ៥ដង

សប្តាហ៍ទី៣ ៖                                

លំហាត់ទី១ ៖ ក្រាប                                ៤៥វិនាទី

លំហាត់ទី២ ៖ ក្រាប ផ្អៀង (ទៅឆ្វេង)         ៤៥វិនាទី

លំហាត់ទី៣ ៖ អាវ៉ង់ផ្ងារ                           ៧ដង

លំហាត់ទី២ ៖ ក្រាប ផ្អៀង (ទៅស្តាំ)                    ៤៥វិនាទី

លំហាត់ទី៤ ៖ ងើបអង្គុយ                         ៧ដង

សប្តាហ៍ទី៤ ៖                                 

លំហាត់ទី១ ៖ ក្រាប                                ១នាទី

លំហាត់ទី២ ៖ ក្រាប ផ្អៀង (ទៅឆ្វេង)         ១នាទី

លំហាត់ទី៣ ៖ អាវ៉ង់ផ្ងារ                           ១០ដង

លំហាត់ទី២ ៖ ក្រាប ផ្អៀង (ទៅស្តាំ)                    ១នាទី

លំហាត់ទី៤ ៖ ងើបអង្គុយ                         ១០ដង